Hákon 30, Hljómsveitin Hraun og Ferming Helgu

Nælisú,

Á föstudaginn fór ég til Hákonar í ammli. Það var sérdeilis prýðilegt, Hákon var mjög kátur og glaður með daginn, skein í hverja einustu tönn. Það kom svo á daginn að ákveðinn bumbubúi hefur gert sér hreiður í maga Sveinu - Til hamingju með það Hákon digri!!!!
Annars var ákveðin þema hjá okkur Hákoni, við áttum mikið sameiginlegt með þessari helgi, vorum náttúrulega á sama stað á föstudagskvöldið, en á laugardagskvöldið var hann á leið í ammli eða árshátíð(allavega djamm) og svo sunnudaginn var hann bókaður í fermingu.
Hjá mér var annað þrítugs ammli og það hjá Stefáni, kærasta Heiðu, frænku Elsu. Þar spilaði hljómsveitin Hraun af stakri snilld og mæli ég eindregið með þeirri gæða hljómsveit. Linda barnapía passaði fyrir okkur hjónaleysurnar og stoppuðum við stutt við hjá Stebba.
Á sunnudaginn var svo komið að fermingu. Við ákváðum að mæta ekki fyrr en Ari Þröstur væri búinn að taka minnst einn og hálfan tíma í blund. Eins og venja á sunnudögum fékk ég símhringingu um að það vantaði mann í bolta, þetta sinn var Hákon á línunni, nýkominn í ferminguna sína og tjá mér að það vantaði mann fyrir Andra. En hann ákvað svo mér til mikillar ánægju að taka málið að sér og jafnvel fá Tandra bróður sinn með sér.
Jæja nóg með það, fermingin var í því góða húsi Valhöll(sjálfstæðishúsið). Þar komum við í anddyri þar sem stóð Ferming Helga 02.04. Við opnuðum dyrnar og fyrsta andlitið sem ég sá innst í salnum var enginn annar en margumræddur og elskulegur vinur minn hann Hákon!!!!
Já ótrúlegt en satt, þá er búið að binda okkur Hákon fjölskylduböndum. Systir hans Hákonar er móðir Helgu og systir mín er fósturmóðir Helgu.
Þetta vakti mikla athygli í veislunni og með eindæmum týpískt fyrir okkar Ísland.

Svo til að toppa þessa helgi þá vann ManUtd og Chelsea gerði jafntefli => 7 stiga munur